أحلى 12 ماسك للوجه .. يلا نجرّب سوا لكل العرايس اللي هيتجوزوا بعد العيد

السلام عليكم يا أحلى فتاتيك .. ده أول موضوع ليا على فكرة .. بس مش معنى كده اني جديدة على المنتدى .. دنا متابعة من زماااااااااااااااان .. بس تقولوا إيه في الكسل بقى

أنا قريت موضوع من فترة كده موضوع عن أحلى ماسكات للوجه .. وقلت أنقله للإفادة .. بس أنا زي ماقلتلكوا .. أنا لسه مجربتش ولا وااااااااااااااحد فيهم .. علشان أبقى أخليت مسئوليتي وريّحت ضميري

أنا عندي فكرة .. هو الفكرة انك بتاخديهم يوم ورا يوم كده يعني هيخلصوا في أقل من أسبوعين .. تيجوا نبدأ سوا يا بنات وكل واحدة تقوللنا إيه أحلى واحد ظبط مع وشها

يلا يا عرايس عايزين قبل أفراحنا نبقى زي القمر

آه صحيح .. كنت هنسى أكتبلكوا الماسكات آدي أخرة الرغي



أفضل 13 ماسك للوجه في العالم
نبدأ بسم الله


أول ماسك :
معلقة دقيق ابيض ومعلقة زيت زيتون ومعلقة لبن ونص لمونة ويتم فردة علىالوجة والرقبة لمدة 20 دقيقة وبعدين نشطفة بالماء الدافى ثم البارد

الماسك الثانى
معلقتين لبن بودرة اى نوعومعلقتين لبن سايل نخلطهم كويس ونفردة على الوجة والرقبة نصف ساعة ونغسله بالماء الافى ثم البارد

الماسك الثالث
نصف علبة زبادى بايت وندوب فية قرص اسبرين بعد طحنةالماسك دة بيستخدم فى اكبر مراكز التجميل نفردة نصف ساعة ونشطفة بنفس الطريقة السابقة

الماسك الرابع
2 معلقة بودرة جونسون لاطفال ومعلقة مية ورد ومعلقة لبن الماسك دة غير انه بيبيض كمان بينور وينعم وبيدى ريحة تحفة ونفردة نصف ساعة ونشطفة بنفس الطريقة

الماسك الخامس
1 بطاطس مسلوقة بقشرها ونص كوب لبن ونضربهم كويس فى الخلاط ويفرد على الوجةبالاضافة لمنطقة تحت العين تحفة بيبيضها والباقى بيتحط فى التلاجة عادىويشطف بنفس الطريقة

الماسك السادس
نص خيارة مبشورة وناخد عصيرها ونص عصير لمونة و2 معلقة دقيق ابيض ويفرد ويشطف بنفس الطريقة

الماسك السابع
معلقة نشا ومعلقة زبادى بايت ونص عصير لمونة ونص معلقة زيت زيتون ونحطة 20 دقيقة ونشطفة بنفس الطريقة

الماسك الثامن
معلقة دقيق ومعلقة نشا ومعلقة مية ورد ومعلقة زيت زيتون ومعلقة لبن ونصلمونة الماسك دة كمان تحفة للجسم واى منطقة غامقة نصف ساعة ونشطفة بنفس الطريقة


الماسك التاسع
خيارة ومعلقتين نشا ونص كوب مية ورد ونضربة فى الخلاط ونفردة على الوجة والرقبة نصف ساعة ونشطفة بنفس الطريقة

الماسك العاشر
3ملاعق لوز مطحون نجيب اللوز وننقعة لغاية ماالقشرة تتحاش ونسيبة ينشف وبعدين نطحنة ونعجنة بلبن ونحطة نصف ساعة وبعدين نشطفة بنفس الطريقة

الماسك الحادي عشر
معلقة بودرة حسن سيدنا يوسف ومعلقة لبن ونحطة نصف ساعة ونشطفة بنفس الطريقة البودرة دى بتتباع عند العطارين الكبار زى حراز البودرة دى جميلة يا جماعة

الماسك الثاني عشر
ماسك سايل بشر 3 خيارات وعصرهم وتصفية العصير ونحطة فى زجاجة وكل يومبالليل ندهن الوجة بقطنة ونشطفة الصبح دة بقى الماسك بتاعى من سنتين كله بيقولى بتستخدمى اية على فكرة بيقعد فى التلاجة عادى ونرجة قبل كل استعمال

وأخيرًا فيه الطريقة دي برضه
4ملاعق من الزبادي وملعقه عسل وخميره وبيكنج باودر ونشاء تقلب وتدهن بها الوجه لمدة 45 دقيقة او ساعة وتشطف بماء فاتر

طريقة اخرى خميرة فورية ماء ورد
ماسك يومي مدته ربع ساعة ويغسل بماء الورد

أنا إن شاء الله هبدأ انهارده بأول واحد لأن طبعًا كل مكوناته عندي وإن شاء الله أقولكم على النتيجة

مرسي حبيبتي .....

يسلمووووووووووووو حياتى

شكرااااااااااااااااااااا